Það er von

Sigurþóra Bergsdóttir framkvæmdastýra Bergið Headspace

Sigurþóra Bergsdóttir er viðmælandi þáttarins. Sigurþóra er framkvæmdastýra Bergið Headspace og er með mastersgráðu í vinnusálfræði, nýlega var hún valin kona ársins hjá Bandalagi kvenna í Reykjavík. Hún segir okkur frá stofnun Bergið Headspace. Við fáum allskonar fróðleik um Bergið Headspace, tölfræði og allskonar skemmtilegt. 

Brynjar Logi

Brynjar Logi er 19 ára strákur sem deilir reynslu sinni. Hann segir okkur frá því hvernig hann þróaði með sér fíkn. Hann talar um tímana þar sem hann var samþykktur af vinsæla liðinu og hvernig hann klúðraði framhaldsskólanum. Í dag hefur hann verið edrú í 2 ár og líf hans hefur tekið miklum framförum.  

Pálmi Snær Rúnarsson

Viðmælandi þáttarins er Pálmi Snær rappari og öðlingur. Pálmi segir okkur frá því hvernig var að alast upp í ghettóinu og hvernig erfiðleikar á barnsaldri höfðu áhrif á viðhorf hans til lífsins. Hann var ungur þegar hann byrjaði að selja fíkniefni og segir hann okkur ástæðuna fyrir því... sem er ekki sú sem þú heldur.

Jóhanna Björk verkefnastýra Frú Ragnheiðar á suðurnesjum

Viðmælandi þáttarins er Jóhanna Björk sem er verkefnastýra Frú Ragnheiðar á suðurnesjum. Hún hefur einnig unnið á Konukoti, gistiskýlinu og Frú Ragnheiði í Reykjavík. Hún segir okkur frá mikilvægi skaðaminnkunar, fræðir okkur um skjólstæðinga hennar. Ásamt því að hún gefur okkur einstaka innsýn í þau neyðarúrræði sem hún hefur unnið á. Þetta er skylduhlustunar þáttur! 

Dagbjört Felstead

Viðmælandi þáttarins er Dagbjört Felstead, hún deilir lífsreynslu sinni. Hún er móðir ungs manns sem er í dag edrú. Hún leiðir okkur í gegnum þá áhrifaþætti sem höfðu áhrif og hvað hún gerði til þess að reyna að koma í veg fyrir að hann myndi fara þessa leið. Dagbjört segir okkur svo frá því að hún lendir svo sjálf í slysi og hvernig aðrir hlutir hafa áhrif á hennar hlutverk. 

Svavar Georgsson

Viðmælandi þáttarins er Svavar, sagan er stór og viðsnúningurinn enn stærri. Svavar fagnaði 2 ára edrúmennsku nýlega og leiddi hann okkur í gegnum lífið, allt frá því að vera polli í vestmannaeyjum yfir í að búa á götunni í yfir 10 ár. 

Klara Óskarsdóttir

Viðmælandi þáttarins er hún Klára Óskarsdóttir. Klara segir okkur frá lífi sínu og hverrnig lífið tók breytingum þegar hún fluttist ásamt fjölskyldu sinni til Englands. Hún segir okkur frá því hvernig lífið varð einn blekkingarleikur... Í dag er Klara edrú og í virkilega góðum málum að gera flotta hluti í lífinu. Við mælum með að hlusta á þáttinn 

Eðvarð Þór

Viðmælendur þáttarins er Eðvarð og dóttir hans Anna. Eðvarð er alkahólisti í bata, sjómaður, stjórnar meðlimur það er von og umfram allt pabbi. Anna er dóttir Eðvarðs. Þetta er einstakur þáttur en í þáttinum þræðir Eðvarð sögu sína og Anna fær að segja okkur hennar upplifun af því hvernig er að eiga pabba sem gat ekki verið til staðar á yngri árum. 

Davíð Tómasson

Viðmælandi þáttarins er enginn annar en Davíð Tómasson, gekk undir listamannsnafninu Dabbi T. Þátturinn er pakkaður af einlægni, heiðarleika og ábyrgð. Davíð rekur sögu sína af sjálfsþekkingu og er ljóst að hann hefur unnið í sjálfum sér og sér hlutina með einstakri yfirsýn. Við hvetjum ykkur til að deila frásögninni á sem flesta staði. 

Heiðdís Austfjörð

Viðmælandi þáttarins er engin önnur en Heiðdís Austfjörð, hún segir okkur frá lífi sínu og upplifunum. Hún deilir með okkur skoðunum og já er allskonar! Skemmtilegur þáttur 🥰 Ef ykkur líkar vel munið að deila og tagga okkur á samfélagsmiðlum það er von.